Blog Archives

المتهمه: سحر ماهر

امبارح 4 اكتوبر كان فيه وقفة قدام س28 علشان الناس اللى بيتحاكموا عسكريا منهم مايكل نبيل, وزى كل وقفة لازم الناس يصوروا الوقفة علشان ينشروا الصور والفيديوهات, مره واحده لقينا ظابط خرج لينا وحاول ياخد بنت من اللى معانا وهى بتصور بحجة انها صورت سور المحكمة, مع انها كانت واقفة وضهرها للسور, طبعا كلنا حاولنا نمنعه واستغلوا انشغالنا مع البنت واخدوا سحر ماهر لأنها كانت بتصور الظابط ده وهو بيهاجم البنت اخدوها جوه اكتر من 4 ساعات ودخل معاها محامى مايكل الاستاذ/ عادل رمضان, وبعد ما طلعت عرفنا ان التهمة اللى اتوجهت ليها (التجمهر أمام منشأة عسكرية, تصوير منشأة عسكرية) ….. نيجى لأول تهمة لو اننا نقف ندعم اخواتنا اللى بيتحاكموا تهمة يبقى كلنا متهمين, وتانى تهمة انها صورت منشأة عسكرية مع انها كانت بتصور الظابط وهو بيتهجم وأصبح الظابط منشأة عسكرية.
المهم هما افرجوا عن سحر وحددولها جلسة يوم 11 اكتوبر “الثلاثاء” اللى جاى …. وكلنا هانروح نتضامن معاها ضد ظلم العسكر, وضد المحاكمات العسكرية للمدنيين
.

Advertisements
%d bloggers like this: