مايكل نبيل … السجين الحر

مايكل نبيل من اول الناس اللى عارضوا العسكر “المجلس العسكرى” وبكل قوة واتكلم عن الموضوع ده ناس كتير اوى وكمان مش عاوز اكرر الكلام اللى بيتقال, لكن انا عايز اتكلم عن مايكل جوه السجن.

مايكل دلوقتى بقاله حوالى 8 شهور مسجون لكن الحقيقة هى ان مايكل مش مسجون, مايكل حر بفكره وكتاباته اللى بنقراها, مايكل بيحارب الدكتاتورية والهيمنة العسكرية من جوه السجن, بيناضل علشاننا وهو مسجون.
احنا كنا بره السجن وقعدنا نحارب كتير فى موضوع المحاكمات العسكرية … وجه مايكل بموقف بسيط جدا علمنا درس فى الاعتراض على المحاكمات العسكرية, لما رفض يتكلم او يحضر جلسات محاكمته ولما تعبوا معاه خلوه يحضر بالقوة وانتدبوله محامى يدافع عنه… وبعد مايكل شوفنا علاء عبدالفتاح وبهاء صابر خدوا نفس الموقف, وبكده ظهر لينا طريقة جديدة للأعتراض “شكرا مايكل”

 “مساجين السلبية”
ملايين من المصريين  بيتبعوا “نظرية” امشى جنب الحيط, وممكن تحتها … بيخافوا يقولوا لأ حتى لسواق الميكروباص اللى بيزود الاجره مش حتى للظابط اللى بينتهك حقوقهم او الحاكم اللى بيذلهم, ولما قمنا بثورة وقولنا الخوف اتكسر جوانا وبعد كده المصريين مش هايسكتوا … مجرد ما العسكر ركبوا عالكرسى لقينا الاغلبيه سواء من القوى السياسية او الناس رجعوا لنظريتهم بتاعة “تحت الحيط”.
مايكل نبيل من الناس اللى مُصرين يثبتوا على موقفهم ومبدأهم .. كمان هو من الناس اللى بيمشوا فوق الحيطه معندهوش حاجه اسمها جنب الحيطه .. بيعمل شغب بمنطق العسكر وهو جاى فى عربية الترحيلات بيهتف ضد العسكر ولما الجلسه تخلص بيهتف … لما بينشر بيانات او “قصاقيص” بينتقد الحاكم المستبد “العسكر” بالرغم من انه المفروض بمنطق “الاغلبية المصرية” انه اكتر واحد يسكت ويعدى الليله على خير, لأنه تحت ايدهم وسهل يعملوا فيه حاجه … لكن بصراحه هو مثبتهم وبيعملهم قلق

الحرية لمايكل نبيل …
بعد 8 مرات تأجيل فى القضية احنا منتظرين جلسة الاربع الجاى 14 ديسمبر للنطق بالحكم … وكلنا أمل ان مايكل يخرج فى الجلسة دى … لأن بجد المسرحية بتاعتهم طولت اوى وبقت مستفزة, ولأن مايكل بقاله حوالى 100 يوم عامل اضراب عن الطعام, واللى مساعده على الحياة هو اللبن والعصير اللى بيشربهم, وجسمه ابتدى يتعب جدا. الحرية لمايكل نبيل
انا كتبت اللى حسيت بيه من غير تفكير … انت كمان لازم تكتب عن الحرية
يوم التدوين من أجل قضية مايكل نبيل

11 ديسمبر 2011

About Norman Halim

Human Rights activist, Bolgger, Short Videos producer and student in Faculty of Engineering, Architecture Department I love travel, music and facebook Hate violence and dirty policies...

Posted on December 11, 2011, in Political blog. Bookmark the permalink. Leave a comment.

اكتب تعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: