الاخوان وخازوق الدستور أولا

من كام شهر كان فيه خناقه كبيره بين أنصار الدستور أولا وبين أنصار الانتخابات أولا, طبعا مانصرين الدين هما اللى كانوا عايزين الانتخابات أولا نصرة للدين ثانيا لتطبيق شرع الله, وكأن شرع الله نزل علشان يتطبق على ايديهم هما, المهم…
هما بقى فضلوا يلحسوا فى جزم المجلس العسكرى رايح جاى وفضلوا عايشين فى شهر العسل معاهم يمارسون العهر السياسى على قفا المصريين …. وعدى شهور وعملوا جمعة قندهار … وبعدها يكفروا فى اى حد يقول لا للمجلس العسكرى ويقول عايز حقى … فى التحرير يقولوا مش نازلين علشان اللى نازلين دول كفار وعندهم اجندة … واعتصام المعلمين يهيجوا الناس عليهم … واعتصامات العمال يقولولك اعتصامات فئوية . “مش عارف مين اللى طلع كلمة فئوية دى؟؟؟” المهم طبعا هما فضلوا عايشين فى الدور يكفروا فى العلمانيين والليبراليين والشيوعيين والمسيحيين والبهائيين وبتوع 6 ابريل وبتوع كفايه … مش عارف كده مين فى مصر وطنى ومؤمن!!!
امبارح بقى رجعوا يلعبوا على المصريين بعد ما شهر العسل خلص مع العسكر … راحوا يقولوا “نريد انتخابات الرئاسة بسرعة بعد البرلمان وقبل الدستور….” ايه الفكاكة اللى الاخوان فيها دى ؟؟؟
هو انا لامؤاخده ينفع اروح اشغل واحد مدير فى شركة من غير عقد ؟؟؟ … أو حتى اأجر لواحد شقة من غير عقد ؟؟؟
ولا انتوا بقى عايزين دستور على هواكم ؟؟؟ … يقولك علشان نخلص وننتخب رئيس يحكمها …. هو الرئيس بيحكم من خلال ايه ؟؟؟ وايه صلاحيات الرئيس اللى جاى من غير دستور ؟؟؟ ولا احنا هانجيب مبارك تانى !!!
سبحان الله حتى لما بتبقوا عايزين تبانوا انكم خايفين على الشعب بتفضلوا مكشوفين …
الدستور هو اللى بيحدد مهام كل سلطات الدولة منهم الرئيس ومجلس الشعب …. ومفيش سلطة أقوى من الدستور يا بهوات ….

About Norman Halim

Human Rights activist, Bolgger, Short Videos producer and student in Faculty of Engineering, Architecture Department I love travel, music and facebook Hate violence and dirty policies...

Posted on October 6, 2011, in Political blog. Bookmark the permalink. Leave a comment.

اكتب تعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: