الافراج عن مايكل نبيل


كام واحد فينا بيتمنى إن مايكل نبيل بكره الصبح يتم الافراج عنه ؟؟؟
انا واحد من ناس كتير اوى متضامنين مع مايكل مش علشان واحد من اهله ولا حتى شوفته قبل كده لكن أنا متضامن معاه لأن قضيته بتمس حرية الرأى وممكن لو سكتنا, يبقى فى أى وقت هنكون فى مكانه لمجرد إن رأينا معجبش واحد مسئول.
تخيل/ى معايا لو فى مره كتبت على الفيس بوك أى حاجه ومعجبتش الحكومه هل يكون جزاءك انك يتقبض عليك من بيتك ويتحكم عليك من غير ما حد يدافع عنك وتترمى فى السجن؟؟؟ ……. لمجرد إنك قولت رأيك ؟؟؟
طيب تعالوا نتخيل تانى لو انت شوفت ظابط موّت واحد فى الشارع وصورته وهو بيقتله … ونشرت الصوره دى وانت ماقولتش حاجه من عندك دى حاجه حصلت بالفعل … هل يكون جزاءك نفس السجن برضوا ؟؟؟
هو ده بالظبط اللى حصل مع مايكل انه رصد كل حاجه شافها وجمع كل الاخبار اللى موجوده على الانترنت والفيديوهات ونشرهم كلهم فى تدوينه واحده, يعنى ولا كذب ولا جاب حاجه من عنده, كل حاجه موجوده على النت, لكن مايكل كان مصيره السجن 3 سنين, من غير ما يدافع عنه محاميين, مع العلم إن المعلومات اللى مايكل جمعها دى كانوا المفروض يحققوا فيها ويحاسبوا الناس اللى ارتكبوا الجرائم دى, لكنهم قرروا يسجنوا مايكل علشان يسكتونا كلنا, وبعد ما قبضوا على مايكل كان فيه نشطاء ومدونين واعلاميين كتير زيه عندهم نفس الاتهامات, لكن بالضغط افرجوا عنهم, وفضل مايكل فى السجن وقرر انه يعبر عن اعتراضه على الظلم بأنه يعمل اضراب عن الطعام من 43 يوم ولسه مُضرب عن الطعام, وقرر كمان إن لم مأفرجوش عنه بعد نظر الطعن هايضرب عن المياه, لأنه أهون عنه الموت من إنه يعيش مظلوم.
لو متضامن مع قضية مايكل, ومؤمن إنه من حقه يقول رأيه بحريه مهما كان الرأى ده, لو متفق معايا إن المحاكمات العسكرية مش للمدنيين, تعالى بكره الساعة 10 عند (س28) الحى العاشر, عبر عن رفضك للمحاكمات العسكريه وقمع الحريات, عبر عن رفضك للظلم اللى وقع على مايكل وغيره الاف من المصريين, ووقتها هنكنب كلنا (الافراج عن مايكل نبيل)

The original Pic from: http://www.kiroz.host.org/?p=32

About Norman Halim

Human Rights activist, Bolgger, Short Videos producer and student in Faculty of Engineering, Architecture Department I love travel, music and facebook Hate violence and dirty policies...

Posted on October 4, 2011, in Political blog. Bookmark the permalink. Leave a comment.

اكتب تعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: