مُخطط توحيد مصر …

قالك تقسيم مصر … اسلامية/مسيحية/نوبية … والفلسطينيين هيحتلوا سيناء

انا بقى عايز مصر واحدة … بنت اموره مدنية بتصلى القداس وتطلع على الجامع …. تلبس حجاب وصليب … وكمان لو عايزه معبد لليهود …. ولا بوذا ملهوش نفس ؟؟؟

واللادينيين كمان نحترمهم … ونيجى عندى البهائيين نحترم حقهم فى المواطنه … واهل سينا ابطال مصر نعترف بيهم ونصلح الغلط … وكمان أهل النوبة يابوخالو دول اهلها وحاميينها من معارك فى الجنوب

هى دى مصر اللى بحلم بيها … مصر واحده مدنيةلكن عندى سؤال … هو المجلس العسكرى ناوى على ايه ؟؟؟كل يوم يطلع يقولّنا هناك مخطط هناك من يدبرون ويخططون …. هو البعيد غبى ؟؟هو اعضاء المجلس الموقرين ميعرفوش غير انهم يتكلموا وبس ؟؟؟ … ولا بالنسبالهم الشغل هو اعتقال الشباب وفض الاعتصامات بالقوة… لأ وكمان سايب البلطجية فى كل مكان …
طب هديك سؤال كمان …هو الجيش اللى عمال يعتقل فى الشباب ويطلع قوانين ضد الاعتصام وعمال يحاكم المصريين عسكريا ميقدرش يلم البلطجية دول ويتصرف معاهم …. او حتى إعادة تأهيل للتعامل مع المجتمع
طب وبالنسبة للى عمالين يقولوه كل يوم من كلام فاضى .. ان فيه ناس من مصلحتها إشعال الفتنة الطائفية وانتوا إن شاء الله مش عارفين تقبضوا على اللى عمالين يشعلوا فى الفتنه دى … ولا خايفين النار تلسعكوا ؟؟
وييجى يطلع واحد امور ويقولك مصر هتعلن إفلاسها بعد 30 يوم … هو الباشا مفكر ان مصر دى شركة .. ولا هو عمال يفتى بأى هلفطة ؟؟
لأ واخر تقليعة … جهاز الشرطة اللى هو المفروض تحت إدارة مجلس عسكرى … لسه تانى بيعذبوا ويقتلوا المواطنين … مهما كان جرم هذا المواطن ليس عقابه الموت …فإن دل هذا يدل على فشل هذا المجلس السمكرى على إدارة البلاد خلال عدة اشهر … او يدل على مخطط أخر لإفساد الثورة
فمعتقدى وإيمانى الشديد بأن هذا المجلس التابع لنظام مبارك لا يمكن ان يتخلى عن مبادئ مبارك …
لكن فى النهاية لا اتمنى ان يكون هناك مخططا هنا ولا هناك لإفساد الثورة … واتمنى ان نقف جميعا ضد اى محاولة لإغراق مصر
اتمنى ان نفيق جميعا حتى لا نستيقظ على كابوس بنظام “السودان , باكستان, افغانستان , ايران …… وغيرهم من الانظمة القمعية … حتى لا تتحول مصر من بلد الامن والامان ..الى بلد الظلام والحروب
معا … لأجل مصر … ضد مخططات الظلام

اكتب تعليق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: